Published and Owned by: Jhonmark D. Barruga

I

Tanan nagakasibot sa intrada san eskwela

Maestro kag Maestra aga pa nasa eskwelahan na

An mga Ginikanan balik naman sa routine na dati pa

Sa pag-asikaso sa mga anak na amo nalang an paglaom ninda.

II

Una na intrada san Maestro kag Maestra amo an pagpakilala

Pagsabi san tama kag mali iya gin implementa

Mga Estudyante halos bag-o tanan an gamit ninda

Grabe an harambugan lalo na sa Elementarya.

III

Saway didto saway didi amo talaga ina pag intrada

Mga bata na makukulit susokulon an imo pasensya

Magkontrol gayod Kag mag-isip san tama na estratehiya

Kay basi turotadtaod  may reklamo na sa iba na ahensiya.

IV

Intrada san Eskwela adlaw na masadya

Bag-o na amigo kag amiga imo makilala

Mga mata san mga bata na nagasiga

Nagahunga san bag-o na dapat maarman ninda.

V

Damon muro-muro amo gayod ina pag intrada

Kakulangan sa libro dapat masanay ka na

Mga Maestro kag Maestra dapat an diskarte igwa ka gad sina

Ayaw pag-irog sa iba na pati lesson plan mabigti na.

VI

Intrada sa room inkudan kag ding-ding na bag-on pintura

Amo ina an ebidensiya na nag Brigada Eskwela

Kaya si Maam kag Sir pagtukdo dayon an bulada

Preparado gayod maski si Principal mag obserbar pa.

VII

Intrada sa K-12 kurikulum damo san huna-huna

Makapoy na malipay maski minsan may aberya

Tayo sa Edukasyon, kay amo an an paglaom ta

Tunaan san matahom na pagtukdo nyan na Intrada.

Published and Owned by: Jhonmark D. Barruga